४ मंसिर २०७५ , मङ्लबार

डा. केसी भाेलि डिस्चार्ज हुने

काठमाडौं : स्वास्थ्यमा सुधार अाएपछि चिकित्सक गोविन्द केसीलार्इ डिस्चार्जकाे तयारी गरिएकाे छ। स्वास्थ्यमा समस्या आएपछि उनी मनमोहन कार्डियो थोरासिक भास्कुलर तथा ट्रासप्लान्ट सेन्टरमा उपचाररत छन्।

उपचारमा संलग्न डा. अरुण सायमीले उल्लेख्य सुधार आएकाले उनलार्इ डिस्चार्ज गर्ने तयारी भएको सायमीले जानकारी दिए। केसीकाे मुटुको नसामा समस्या देखिएकाले उनकाे कोरोनरी एन्जियोग्राफी गरेकाे उनले बताए। केही समय औषधी खाएपछि ठिक हुने उनकाे भनाइ छ। चिकित्सकका अनुसार डा.केसी भाेलि डिस्चार्ज हुनेछन्।

डा. केसी छाती दुख्ने समस्या आएपछि सोमबार अस्पताल भर्ना भएका थिए। डा. केसी पछिल्लोपटक २७ दिन लामो अनशनमा बसेका थिए। सरकारसँग गरिएका सहमति पूरा नभएकाे भन्दै उनी १६औँ अनशनको तयारी गर्दै थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।