४ मंसिर २०७५ , मङ्लबार

जिल्ला जनस्वास्थ्य कार्यालय प्रदेश स्वास्थ्य कार्यालयमा परिणत

काठमाडाैं : प्रदेश सरकारले प्रदेश स्वास्थ्य कार्यालय स्थापनाको काम सुरु गरेको छ। गत असार २ गते स्वीकृत संरचनाअनुसार सोमबार प्रदेश ३ का काठमाडौं, भक्तपुर र ललितपुरका सबै जिल्ला जनस्वास्थ्य कार्यालय खारेज भएका हुन्।

प्रदेश ३ का सामाजिक विकासमन्त्री युवराज दुलालले काठमाडौं जनस्वास्थ्य कार्यालयमा प्रदेश ३ स्वास्थ्य कार्यालयको उद्घाटन गरे।

स्वास्थ्य सेवा विभागका निमित्त महानिर्देशक मोहमद दाउदले प्रदेश ३ अन्तर्गतका रामेछाप, सिन्धुपाल्चोक, नुवाकोट र चितवनमा पनि प्रदेश स्वास्थ्य कार्यालयले काम गर्ने र जिल्ला जनस्वास्थ्य कार्यालयहरू खारेज हुने जानकारी दिए ।

नयाँ संरचनाअनुसार सात वटा मन्त्रालय, ७ वटा प्रदेश स्वास्थ्य निर्देशनालय, ३५ वटा प्रदेश स्वास्थ्य कार्यालय रहने दाउदले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।