काठमाडौं : बलिउड अभिनेतृ मनिषा कोइरालाले  डिम्बाशयकाे क्यान्सर हुँदा भोगेको कष्टलाई उतारेर लेखेको पुस्तक सार्वजनिक गरेकी छिन्।

क्यान्सरसँगको लडाइँमा केन्द्रित भएर उनले लेखेको किताब ‘हिल्ड’ सार्वजनिक गरिएको हो। निलम कुमारको सहयोगमा लेखेको किताबको उपशीर्षक  ‘क्यान्सरले कसरी मलाई नयाँ जीवन दियो?’ उपशीर्षक राखिएकाे छ।

किताबको कभर ट्विटरमा सार्वजनिक गर्दै मनिषाले लेखेकी छन्, ‘आफैँलाई पत्ता लगाउन र फेरि जीवनकाे मापन गर्न क्यान्सरले मलाई पाठ सिकाएको छ। प्रिय साथीहरु तपाईँहरूलाई म आफ्नो पहिलो पुस्तक टक्र्याउँदै छु।’

क्यान्सर हुँदा उनले भाेगेकाे निराशा, अनिश्चितता र भयबारे किताबमा उल्लेख गरेकी छिन्। मनिषा सात वर्षअघि डिम्बाशयकाे क्यान्सरबाट पीडित भएकी थिइन्। अमेरिकामा लामो उपचारपछि उनी क्यान्सरमुक्त  भएकी थिइन्। उनको क्यान्सरको निदान सन् २०१२ मा भएको थियो।

नेपाली चलचित्र फेरि भेटाैँला मा अभिनय गरेसँगै नेपाली चेली मनिषाले ‘सौदागर’ चलचित्रबाट बलिउडकाे यात्रा सुरू गरेकी थिइन्। थुप्रै हिट फिल्ममा काम गरेकी उनी ९० काे दशकमा नम्बर १ नायिकाको दौडमा समेत थिइन् ।

मनिषाकाे ट्वीट–

Overcoming cancer has been a lesson in self discovery and learning to love life again!! Dear friends,presenting you my book 💕🙏🏻💕 https://t.co/Nb8Gi19GFx pic.twitter.com/aPsH2WERzq

— Manisha Koirala (@mkoirala) November 10, 2018