२१ कार्तिक २०७५ , बुधबार

‘साइमन’का संस्थापक अध्यक्ष डा. पाण्डेको निधन, आजै पशुपति आर्यघाटमा दाहसंस्कार

काठमाडौं : वरिष्ठ चिकित्सक डा.श्यामबहादुर पाण्डेको निधन भएको छ। मंगलबार राति बल्खुस्थित बयोधा अस्पतालमा डा.पाण्डेको निधन भएको हो। उच्च रत्तचाप एवं मिर्गाैलारोगी पाण्डे केही समयदेखि बिरामी थिए। उनलाई बयोधाकै आईसीयूमा राखेर उपचार गरिएको थियो।

डा.पाण्डे सोसाइटी अफ इन्टरनल मेडिसिन अफ नेपालका संस्थापक अध्यक्ष हुन्। उनकै नेतृत्वमा सन् १९९४ मा इन्टरनल मेडिसिनका चिकित्सकहरूको साझा संस्था साइमन स्थापना भएको थियो।

साइमनका वर्तमान अध्यक्ष डा.धिरज नारायण मानन्धरले डा. पाण्डेको निधनले इनटरनल मेडिसिनमा ठूलो क्षति पुगेको प्रतिक्रिया दिए। ‘मेडिसिनका डाक्टर थोरै भएका बेला पनि उहाँले सबैलाई एकै थलोमा ल्याउन साइमन जस्तो संस्थाको स्थापना गर्नुभयो’, उनले भने, ‘हामीले अभिभावक गुमाएका छौँ।

अब उहाँको सपना साकार गर्ने जिम्मेवारी हाम्रो काँधका आएको छ।’ डा.पाण्डेको दासंस्कार पशुपति आर्यघाटमा बुधबार नै हुने पारिवारिक स्रोतले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।