७ कार्तिक २०७५ , बुधबार

प्रधानमन्त्री कार्यालय तानिइन् स्वास्थ्य सचिव चाैधरी

काठमाडाैं : स्वास्थ्य सचिव डा. पुष्पा चौधरीलाई सरकारले प्रधानमन्त्री कार्यालयमा तानेको छ। चौधरीलाई प्रधानमन्त्री तथा मन्त्रिपरिषद् कार्यालय सरुवा गरेको सरकारका मुख्यसचिव लोकदर्शन रेग्मीले जानकारी दिए।

रेग्मीका अनुसार हालका लागि उनलाई जिम्मेवारी ताेकिएकाे छैन। फाइल लामो समयसम्म थन्क्याएर राख्ने, अरूको कुरा नसुन्ने भन्दै मन्त्रालयका कर्मचारीहरू उनीप्रति रुष्ट हुँदै आएका थिए। विभागीय मन्त्रीसँग समेत राम्राे सम्बन्ध नरहेकाे खबर सञ्चारमाध्यममा अाएकाे थियाे।

चाैधरीको सरुवासँगै निमित्त सचिवको जिम्मेवारी १२अाैँ तहका सुशीलनाथ प्याकुरेलले पाउने भएका छन्।

याे पनि पढ्नुहाेस्–

सचिव हुने बेलामा नै मलाई रोक्ने प्रयास गरिएकै हो, त्याे अहिले पनि जारी छ…

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।