२२ अशोज २०७५ , सोमवार

शिक्षण अस्पताल महाराजगञ्जको निर्देशककाे नाम सिफारिस गर्न सर्च कमिटी

काठमाडाैं : त्रिभुवन विश्वविद्यालयले शिक्षण अस्पताल महाराजगञ्जको निर्देशककाे नाम सिफारिस गर्न सर्च कमिटी गठन गरेको छ । विश्वविद्यालयले चिकित्साशास्त्र अध्ययन संस्थानका डीन प्रा. डा.जगदीशप्रसाद अग्रवालको संयोजकत्वमा तीन सदस्यीय कमिटी बनाएकाे हो । कमिटीका सदस्यहरुमा प्रा. डा. अभिमन्यु झा र डा. प्रदीप ज्ञवाली रहेका छन् ।

यसअघि गठन भएको सर्च कमिटीले निर्देशकको नाम सिफारिस गर्न नसकेपछि त्रिविले डीन अग्रवालकै संयोजकत्वमा दोस्रोपटक सर्च कमिटी बनाएको हाे । यसभन्दा अघिकाे कमिटीमा प्रा.डा. जीवन शेरचन र डा. रमेशसिंह भण्डारी सदस्य थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।