११ अशोज २०७५ , बिहिबार

हाेचापुड्काले १५२ संस्थाबाट निःशुल्क स्वास्थ्य परीक्षण सेवा पाउने

काठमाडौं : होचापुड्का अपांगता भएकाहरूले अब देशभरका विभिन्न स्वास्थ्य संस्थामा निःशुल्क स्वास्थ्य परीक्षण सुविधा पाउने भएका छन्।

नेपाल मेडिकल व्यवसायी संघ र नेपाल होचापुड्का संघबीच भएको सम्झौताअनुसार होचापुड्का अपांगता भएकाहरूले मेडिकल व्यवसायी संघमा आबद्ध १५२ स्वास्थ्य संस्थाबाट निःशुल्क स्वास्थ्य परीक्षण सुविधा छन्।

सम्झौतापत्रमा नेपाल मेडिकल व्यवसायी संघका अध्यक्ष सीताराम रेग्मी र होचापुड्का संघका अध्यक्ष निर्मल मक्रान्तिले हस्ताक्षर गरे। होचापुड्का व्यक्तिहरूले नेपाल होचापुड्का संघको आधिकारिक सिफारिस पत्र लिएर गए स्वास्थ्यसंस्थामा निःशुल्क परीक्षण सेवा पाउने संघका महासचिव लेखबहादुर मोक्तानले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।