१० अशोज २०७५ , बुधबार

२५ शय्याकाे अस्पताल सञ्चालन

रुकुम : पश्चिम रुकुम पश्चिमको आठबीसकोट नगरपालिकाले २५ शय्याको अस्पताल सञ्चालनमा ल्याएको छ।

नगरपालिकाले वडा नम्बर ९ राडीबजारमा मा विभिन्न सेवासहित अस्पताल सञ्चालनमा ल्याएको हो। अस्पताल स्थापनाका लागि हालसम्म एक करोड रुपैयाँभन्दा बढी खर्च भएको नगरपालिकाले जनाएको छ।

अस्पतालबाट एक्सरे, अल्ट्रासाउण्ड, ल्याब परीक्षण, फार्मेसी, इसिजी, प्रसूतिसहितका सेवा उपलब्ध हुने नगरप्रमुख गोर्खबहादुर केसीले जानकारी दिए। अस्पतालमा एम्बुलेन्स सेवा समेत उपलब्ध छ ।

अस्पतालका लागि २० जना स्वास्थ्यकर्मी तथा कर्मचारी नियुक्त गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।