अन्नपूर्ण न्यूरो अस्पतालले ‘साइको सर्जरी’ शुरु गर्ने
काठमाडौं : अन्नपूर्ण न्यूरो अस्पतालले ‘साइको सर्जरी’ शुरु गर्ने भएको छ। ‘सिभियर डिप्रेसन’का बिरामीलाई लक्षित गर्दै यो किसिमको सर्जरी शुरु गर्न लागिएको हो।
याेसँगै ड्रग एडिक्ट र ओसीडी अर्थात् एउटै काम बारम्बार गरिरहने बिरामीका लागि सर्जरी शुरु गर्न लागेको अस्पतालका अध्यक्ष डा.बसन्त पन्तले बताए। न्यूरो सर्जरीमा जटिल मानिने यो सर्जरी छिटै शुरु हुने पनि उनले जानकारी दिए।
पार्किन्सन्सको ‘डीप ब्रेन स्टिमूलेसन सर्जरी’ नेपालमै पहिलोपटक अन्नपूर्ण न्यूरो अस्पतालले चार वर्षअघि शुरु गरेको थियो । यही प्रविधिमार्फत साइको सर्जरी, ओसीडी र ‘ड्रग एडिक्ट’को सर्जरी गर्न सकिने डा. पन्तले बताए।
‘नेपालमा यो सर्जरी शुरु भयो भने हामी न्यूरो सर्जरीमा अन्य विकसित देशभन्दा पनि धेरै अगाडि हुनेछौँ’, उनले भने। यही प्रविधिमार्फत अस्पतालले ३० जना भन्दा बढी बिरामीको पार्किन्सन्सको शल्यक्रिया गरिसकेको छ।
जडीबुटी : नेपालको स्वास्थ्य र समृद्धिको हरित पुँजी
यसकारण खाने गरौं बहुगुणकारी कुरिलो
आत्मदाह प्रयास गरेका गणेश नेपालीको उपचारको क्रममा निधन
६ वटा स्वास्थ्य विज्ञान प्रतिष्ठानमा उपकुलपति नियुक्त
औषधिको सही प्रयोग किन आवश्यक छ ?