बालककाे मृत्युपछि अस्पतालमा ताेडफाेड
राजविराज : जीवित बालकलाई चिकित्सकले मृत्यु भएको घोषणा गरेको भन्दै राजविराजस्थित गजेन्द्रनारायण सिंह सगरमाथा अञ्चल अस्पतालमा तोडफोड गरिएको छ।
शनिबार सर्पले डसेपछि रुपनी गाउँपालिका–६ तेरहौता निवासी अशोक साहका छोरा ढेड वर्षीय अरब साहलाई उपचारका लागि अस्पताल लगिएको थियो। चिकित्सकले बच्चाको मृत्यु भएको भन्दै शव परीक्षण कक्षमा राखिदिएका थिए। जिउँदै रहेकाे बच्चालार्इ मृत घाेषणा गरेकाे भन्दै आक्रोशित स्थानीयले अस्पतालमा तोडफोड गरेका हुन्।
बालकलार्इ शनिबार दिउँसाे सर्पले डसेकाे थियाे धामीको झारफुकपछि पनि बच्चा निको नभएपछि साँझ साढे ७ बजे रुपनी–राजविराज सडक खण्डको रायपुरमा रहेको युनिक अस्पतालमा पुर्याइएको थियो।
अस्पतालमा चिकित्सकले बालकलाई मृत घोषणा गरेका थिए। आफन्तले बालक जिउँदै रहेकाे दाबी गर्दै भन्दै बेलुकी ८ बजे गजेन्द्रनारायण सिंह सगरमाथा अञ्चल अस्पताल राजविराज पुर्याएका थिए। बच्चालाई अञ्चल अस्पतालमा ल्याउने बित्तिकै परीक्षण गरेका डाक्टर प्रमोदकुमार यादवले अस्पताल ल्याउनुअघि नै बच्चाको मृत्यु भइसकेको बताएका थिए।
मृत घोषणा गरिएका बच्चाका आफन्त तथा गाउँले अस्पताल आएर तोडफोड गर्दै नाराबाजीसमेत गरेका थिए। तोडफोड र नाराबाजीका कारण अस्पतालको आकस्मिक कक्षको सेवा पूर्णतः प्रभावित भएको थियो।
जिउँदै भनिएका बालकलाई उपचारका लागि सिरहाको चोहर्बास्थित नेपाली सेनाको सर्पदंश उपचार केन्द्रमा लगिए पनि त्यहाँ पनि मृत घोषणा गरिएको थियाे।
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण