२ अशोज २०७५ , मङ्लबार

न्याम्सको उपकुलपतिका लागि तीन जनाको नाम सिफारिस

काठमाडौं : चिकित्सा विज्ञान राष्ट्रिय प्रतिष्ठान(न्याम्स) को उपकुलपतिका लागि तीन जनाको नाम सिफारिस गरिएको छ।

स्वास्थ्य तथा जनसंख्यामन्त्रीको संयोजकत्वमा गठित समितिले छनोटमा परेका ६ मध्ये उत्कृष्ट तीन जनाको नाम सिफारिस गर्ने निर्णय गरेको हो।

६ जना लाई कार्ययोजनासहितको प्रस्तुति गर्न लगाइएको थियो । तीमध्ये एक नम्बरमा डा.डीएन शाह, दुई नम्बरमा डा.ढुण्डी पौडेल र तेस्रो नम्बरमा डा.अजित रायमाझी परेका छन्। उपकुलपति छनोटका लागि बनेको समितिले शुरुमा २२ जनाको निवेदन परेकोमा ६ जना छानिएका थिए।

छनोट समितिमा स्वास्थ्य तथा जनसंख्या मन्त्री उपेन्द्र यादव, मेडिकल काउन्सिलका अध्यक्ष डा. धर्मकान्त बास्कोटा र स्वास्थ्य मन्त्रालयका प्रमुख विशेषज्ञ डा.सुशीलनाथ प्याकुरेल छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।