२३ भदौ २०७५ , शनिबार

डिम्बाशय क्यान्सरसम्बन्धी जनचेतना जगाउन ‘वाकाथन’

ललितपुर : क्यान्सर मृत्यु होइन भन्ने सन्देश दिन क्यान्सर केयर नेपालले शनिबार ‘वाकाथन’ आयोजना गरेको छ। ललिपुरको जावलाखेलस्थित नेसनल हस्पिटल एण्ड क्यान्सर रिसर्च सेन्टरबाट पाटन दरबार स्वायरसम्म वाकाथन गरिएको हो।

कार्यक्रममा चर्चित बलिउड अभिनेतृ मनिषा कोइरालासहित क्यान्सर विशेषज्ञ एवं सर्वसाधारण सहभागी थिए। वाकाथनपछि आयोजित कार्यक्रममा क्यान्सर रोग विशेषज्ञ डा.सन्ध्या चापागाईँले सेप्टेम्बर डिम्बासय क्यान्सरसम्बन्धी जनचेतना जगाउने महिना भएकाले कार्यक्रम गरिएको बताइन्।

डिम्बाशय क्यान्सरमा पहिले लक्षण नदेखिने र पूरै फैलिसकेपछि मात्रै केही लक्षण देखिने हुनाले महिलाहरूले कम्तीमा वर्षमा एकपटक ‘ क्यान्सर छ कि छैन’ भनेर जाँच गराउन आवश्यक हुने बताइन्। कार्यक्रममा डिम्बाशय क्यान्सरबाट जोगिन सन्देशमूलक सडक नाटकसमेत देखाइएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।