२० भदौ २०७५ , बुधबार

स्वास्थ्य स्वयंसेविका मृत फेला

बैतडी : एक स्वास्थ्य स्वयंसेविका मृत फेला परेकी छिन्। सिगास गाउँपालिका २ कोटिलाका ३५ वर्षीया चन्द्रा धामी मृत फेला परेको जिल्ला प्रहरी कार्यालयका प्रवक्ता, निरीक्षक कान्तिराज जोशीले जानकारी दिए।

बुधबार बिहान स्थानीय जंगलमा उनी झुण्डिएको अवस्थामा फेला परेकी हुन्। प्रहरीको टोली घटनास्थलतर्फ गएकाले त्यसपश्चात् थप विवरण आउने जिल्ला प्रहरी कार्यालय बैतडीले जनाएको छ।

घटनास्थल सदरमुकामवाट एक दिनको दूरीमा पर्छ। मृतक धामी गाँजरी स्वास्थ्य चौकीमा कार्यरत थिइन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।