तलब सुविधा नपाएकाे विराेधमा स्वास्थ्यकर्मीकाे अान्दाेलन
महोत्तरी : सम्सी गाउँपालिकाका स्वास्थ्यकर्मी आन्दोलनमा उत्रिएका छन्। गाउँपालिकाले गत वैशाखदेखिको तलब, भत्ता र अन्य सुविधा नदिएको विरोधमा स्वाथ्यकर्मीले सो गाउँपालिकामा मंगलबारदेखि तालाबन्दी गरेका छन्।
पटक–पटक गाउँपालिका, स्वास्थ्यकर्मी तथा जिल्ला प्रशासन कार्यालयबीच तलब, भत्ता र अन्य सुविधा उपलब्ध गराउने सम्झौता हुँदै आएको थियो। गाउँपालिकाले उक्त सम्झौता कार्यान्वयन नगरेपछि स्वास्थ्यकर्मीले आन्दोलन थालेका हुन्।
स्वास्थ्यकर्मीले आ–आफ्ना स्वास्थ्य संस्थामा आकस्मिकबाहेकका सबै सेवा बन्द गरेको आन्दोलन समितिका संयोजक राघवेन्द्रप्रसाद यादवले बताए।
स्वास्थ्यकर्मीले यही भदौ १ गतेदेखि आन्दोलनमा उत्रिने चेतावनी दिएपछि गाउँपालिकाले यही भदौ १५ गते भित्र तलब, भत्तालगायत सुविधा उपलब्ध गराउने सहमति गरेको थियो। उक्त सहमति कार्यान्वयन नभएपछि उनीहरूले गाउँपालिकामा तालाबन्दीसँगै धर्ना दिँदै आएका छन्।
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर
सिगरेटको विकल्प ई -सिगरेट होइन
‘स्ट्रोकको उपचारमा समय सबैभन्दा महत्वपूर्ण मानिन्छ’