१८ भदौ २०७५ , सोमवार

‘किन कानुन मिच्न चाहन्छन् चिकित्सक?’

काठमाडौं : सांसद तथा पूर्वस्वास्थ्यमन्त्री खगराज अधिकारीले मुलुकको कानुन मिच्न उद्यत रहेको भन्दै स्वास्थ्यकर्मीहरूको आलोचना गरेका छन्।

आइतवार प्रतिनिधिसभा बैठककाे शून्य समयमा बोल्दै सांसद अधिकारीले ऐनको विषयमा चिकित्सकले गरेको आन्दोलनले हजारौँ बिरामी मारमा पर्ने भन्दै स्वास्थ्य मन्त्रालयको ध्यानाकर्षण गरे।
‘कानुन मिच्न किन उद्यत बनाइँदै छ’, उनले प्रश्न गरे, ‘किन हजारौँको मृत्युको कारण बन्दै छन् स्वास्थ्यकर्मीहरू?’

उनले स्वास्थ्य मन्त्रालयले आफ्ना खाली रहेका १२ औँ तहका पदपूर्ति गर्न पहल नगरेको भन्दै अालाेचना गरे। सांसदअधिकारीले हडतालका आयोजकहरूलाई स्वस्थ्य मन्त्रालयको तालाचाबी दिइएको टिप्पणी गरे।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।