लहान : सिरहास्थित कर्जन्हा क्षेत्रमा ८६ जना पाठेघरका क्यान्सर रोगी महिला पाइएका छन्। बगाहामा गरिएको निःशुल्क स्वास्थ्य शिविरमा यो संख्यामा पाठेघरका क्यान्सर रोगी महिला फेला परेका हुन्।

अाठ जनालार्इ तत्काल क्यान्सर अस्पताल भर्ना गरी केमोथेरापी  शुरु गर्नुपर्ने शिविरका प्रमुख तथा भरतपुर क्यान्सर अस्पतालका निमित्त निर्देशक डा.निर्मलकुमार लामिछानेले बताए। अाठ जनाको पाठेघर पूर्ण रूपले खसेको र ६ जनाको पाठेघरभित्र मासु पलाएकाले उपचारका लागि जान सुझाव दिइएको उनले जानकारी दिए।

चितवनको भरतपुरस्थित विपी. कोइराला मेमोरियल क्यान्सर अस्पताल र सिरहाको कर्जन्हास्थित फूलकुमारी महतो मेमोरियल हस्पिटलको साझेदारीमा सञ्चालित शिविरमा भरतपुरस्थित क्यान्सर अस्पतालका पाँच विशेषज्ञ चिकित्सक, तीन फार्मेसिस्ट र दुई नर्स तथा कर्जन्हास्थित फूलकुमारी हस्पिटलका दुई मेडिकल अधिकृत र दुई नर्सले जाँच गरेका थिए।

शिविरमा बिरामीहरूलाई निःशुल्क औषधि वितरण गरिएको थियाे।