६ भदौ २०७५ , बुधबार

मिर्गौलाका बिरामीका लागि आर्थिक सहयोग अभियान

म्याग्दी : मिर्गौलाका बिरामीका लागि आर्थिक सहयोग अभियान थालिएको छ। दुवै मिर्गौलाले काम गर्न नसकेपछि थलिएका मंगला गाउँपालिका–५ नेटाका १९ वर्षीय सुरेश छन्त्यालको उपचारका लागि रकम जुटाउन अभियान शुरु गरिएको हो।

बेनीको माउण्ट एभरेष्ट आवासीय माविमा कक्षा १२ मा अध्ययनरत छन्त्यालको काठमाडौंस्थित शिक्षण अस्पतालका चिकित्सक डा. कमल लामिछानेको निगरानीमा उपचार भइरहेको छ। आर्थिक अवस्था कमजोर भएकाले उपचार गराउन नसकेपछि परोपकारी संस्था ओमकुमारी शान्ति कोषले अभियान थालेको हो।

सुरेशकी आमा सीताले छोराको जीवन बचाइदिन अपिल गरिन्। उपचारका लागि २५ लाखदेखि ३० लाख रुपैयाँ आवश्यक पर्ने उनले बताइन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।