२ भदौ २०७५ , शनिबार

एकै घरका तीन जनालार्इ डेङ्गु संक्रमण

झापा : मेचीनगरमा एकै घरका तीन जना डेङ्गु रोग सङ्क्रमित भएका छन्।

मेचीनगर–३ बाहुनडाँगीकी ३५ वर्षीया शर्मिला राई, छोरा ११ वर्षीय अमन राई र देउरानी २७ वर्षीया सरिता राई डेङ्गुको बिरामी भएका हुन् ।

डेङ्गु सङ्क्रमित तीनै जनालाई उपचारका लागि विर्तामोडस्थित बीएण्डसी शिक्षण अस्पताल भर्ना गरिएको छ। बजारबाट निकै टाढा बाहुनडाँगीको ग्रामीण क्षेत्रमा डेङ्गु रोगी फेला परेको यो पहिलो पटक हो।

झापाको काँकरभिट्टा, बिर्तामोड र दमक नगर क्षेत्रमा विगतमा पनि डेङ्गु सङ्क्रमण फैलिएको थियो।

११ वर्षीय अमन राईमा एक साताअघि टाउको दुख्ने समस्यासँगै कडा ज्वरो आएपछि रक्त परीक्षण गर्दा डेङ्गु सङ्क्रमण पत्ता लागेको अमनका बुवा ध्रुव राईले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।