२९ साउन २०७५ , मङ्लबार

१० वर्षीय बालकलार्इ क्यान्सर, परिवारद्वारा सहयाेगकाे याचना

प्युठान : क्यान्सर भएका नौबहिनी गाउँपालिका–४ का १० वर्षीय विक्रम सुनारको परिवारले सहयोगको याचना गरेको छ। विक्रमकी आमा सीता सुनारले छोराको उपचारका लागि सहयोगको याचना गरेकी हुन्।

सात वर्षको हुँदा बुटवलमा विक्रमको हर्नियाको शल्यक्रिया भएको थियो। शल्यक्रियामार्फत हर्नियाको समस्या त हट्यो तर उनलाई क्यान्सरको मुखमा पुर्‍यायो। क्यान्सरको मुखमा पुगेका उनलाई परिवारले बुटवल, भारतका विभिन्न अस्पतालमा पुर्‍यायो। तर उपचार हुन सकेन।

उपचार हुन नसकेपछि विक्रम घरमै छट्पटाइरहेका छन्। छोराको उपचार खर्च नभएपछि उनका बाबु तीन महिना अगाडि कतार पुगेका छन्। ‘उपचारका लागि २० लाख जति चहिन्छ’, सीताले भनिन्, ‘छोराको उपचारका लागि घरखेत बिक्री गरियो तर केही सिप लागेन। त्यसैले श्रीमानलाई विदेश पठाएकी छु।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।