२७ साउन २०७५ , आइतवार

डाक्टर लाइसेन्स परीक्षामा २४ प्रतिशत मात्र पास

काठमाडौं : नेपाल मेडिकल काउन्सिलले लिएको चिकित्सक दर्ता प्रमाणपत्र (लाइसेन्स) परीक्षामा २४ प्रतिशत मात्र पास भएका छन्।

लाइसेन्सका लागि शनिबार जाँच दिएका ७८४ एमबीबीएस चिकित्सकमध्ये १८९ मात्र लाइसेन्स परीक्षा पास भएको काउन्सिलका रजिष्ट्रार डा.दिलीप शर्माले बताए।

‘हामीले लिएको परीक्षामा सबैभन्दा धेरै विद्यार्थी फेल भएकाे सम्भवतः यो पहिलो पटक नै होला’, उनले भने। शर्माका अनुसार चीन, बंगलादेश र नेपालका केही मेडिकल कलेजाट एमबिबिएस गरेका विद्यार्थी फेल भएका छन्।

‘त्यहाँकाे पढाइकाे शैली र यहाँकाे पाठ्यक्रम मेल नखाएकाले पनि यस्ताे भएकाे हुन सक्छ’, उनले भने, ‘ज्ञान भए पनि मेहेनत नगरेकाले पनि यस्ताे परिणाम अाएकाे हुनसक्छ।’ पछिल्लो समय फेल हुने क्रम झन् बढेकाेमा अचम्ममा परेको शर्माले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।