काठमाडौं : दन्तचिकित्सा क्षेत्रमा अाएका नयाँ खाेज र प्रविधिबारे छलफल गर्न राजधानीमा दुईदिने सम्मेलन एवं कार्यशाला गोष्ठी शुरु भएको छ।

नेप्लिज प्रोस्थोडोन्टिक्स सोसाइटीले आयोजना गरेको उक्त कार्यक्रममा नक्कली दाँत बनाउने, राख्ने र यससँग सम्बधित सम्पूर्ण सेवालाई चुस्त दुरुस्त बनाउने विषयमा छलफल हुने आयोजक समितिका अध्यक्ष प्रा.डा. सुरज माथेमाले बताए ।

वीर अस्पतालको ट्रमा सेन्टरमा आयोजित कार्यक्रममानक्कली दाँत बनाउने तथा प्रत्यारोपण गर्ने सेवामा कार्यरत नेपाल र भारतका ८० भन्दा बढी विशेषज्ञहरूको सहभागिता छ। अन्तर्क्रियामार्फत दाँतसँग सम्बन्धित समस्या समाधान र आधुनिक प्रविधिको प्रयोगमा टेवा पुग्ने कार्यक्रममा सहभागीहरुले बताए।

सम्मेलनमा नक्कली दाँत प्रत्यारोपण विषयका विभिन्न विधामा कार्यपत्र प्रस्तुत हुने आयोजकले बताएको छ। यो नेप्लिज प्रोस्थोडोन्टिक्स सोसाइटीको पोष्ट ग्र्याजुयटस्तरीय पहिलो सम्मेलन हो।