१६ साउन २०७५ , बुधबार

मेडिसिटी अस्पतालमा क्यान्सर सम्मेलन सम्पन्न

काठमाडौं : नेपाल मेडिसिटी अस्पतालमा स्तन क्यान्सर र खानेनलीसम्बन्धी क्यान्सर सम्मेलन बुधबार सम्पन्न भएको छ।

‘उपचार, पुन:स्थापना र भविष्यका आधारहरू’ भन्ने नारासहित आयोजना भएको सम्मेलनमा क्यान्सर रोग विशेषज्ञ, शल्यचिकित्सक, फिजिसियन, गरी झण्डै २०० भन्दा बढी चिकित्सक सहभागी थिए।

सम्मेलनमा अमेरिका र नेपालमा हुने शल्यक्रियाका समानता र भिन्नता एवं प्रविधिको विषयमा अन्तरक्रिया गरिएको अस्पतालले जनाएको छ।

अस्पतालको ‘अपरेसन थिएटर’मा गरिएको शल्यक्रियासमेत सम्मेलन स्थलमा प्रत्यक्ष प्रसारण गरिएको थियो। अमेरिकास्थित येल न्यु हेभन हस्पिटल र नेपाल मेडिसिटी अस्पतालको सहकार्यमा भएको सम्मेलन साेमबार सुरू भएकाे थियाे।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।