चितवन : नेपाल कम्युनिष्ट पार्टी (नेकपा)का अध्यक्ष पुष्पकमल दाहालकी पत्नी सीता दाहालको स्वास्थमा सुधार आएको छ। सिंगापुरमा उपचाररत सीता स्वास्थ्यमा सुधार आएपछि पतिसँगै आइतबार राति काठमाडौँ फर्किँदैछिन्।

जलचिकित्सा र चिकित्सकको सुझावअनुसारको औषधि सेवनले उनको स्वास्थ्यमा सुधार आएको हाे। तीन महिनापछि पुनः जाँचका लागि सिंगापुर जानुपर्ने छोरी रेणु दाहालले जानकारी दिइन्। सीता यही असार ३ गते उपचारका लागि सिंगापुर गएकी थिइन्।

यसअघि नयाँ दिल्लीमा उनको उपचार गरिएको थियो। रेणुका अनुसार भाइ प्रकाशको निधनपछि आमालाई समस्या देखिएको हो।  सीतालाई उच्च रक्तचाप, मधुमेहजस्ता समस्या रहेको बताइएको छ।