काठमाडाैंः  नेपाल  चिकित्सक संघले शुक्रबारदेखि अाकस्मिकबाहेक सम्पूर्ण सेवा ठप्प पार्ने चेतावनी दिएको छ । चिकित्सा शिक्षामा सुधारको माग राख्दै अनशनरत डा गोविन्द केसीको समर्थनमा र्याली निकालेका चिकित्सक तथा विद्यार्थी पक्राउ परेपछि संघले आपत्ति जनाउँदै यस्ताे निर्णय गरेको हो ।

संघले भोलिदेखि देशभरका अस्पतालमा आकस्मिक बाहेकका सबै सेवा ठप्प पार्ने  जनाएकाे छ । संघका सदस्य  डा प्रकाश  बुढाथाेकीले भने, ‘ एकातिर डा केसीकाे स्वास्थ्य अवस्था गम्भीर हुँदै गएकाे छ अर्कोतिर बिरामीले दुख पाउन थालेका छन । यही समाधानकालागि दबाब स्वरूप सेवा बन्द गर्ने निर्णय लिएका हाैं ।’  साथै संघले पक्राउ गरिएका चिकित्सक तथा विद्यार्थीकाे तुरून्त रिहाईको माग गरेको छ ।

प्रेस विज्ञप्ति जारी गर्दै संघले डा केसीको जीवन अत्यन्त कठिन मोडमा पुगिसकेको र जुनसुकै बेला अप्रिय घटना हुनसक्ने भन्दै सरकार पक्षलाई गम्भीर हुन आग्रह गरेको छ । डा केसीको जीवन रक्षार्थ नेपाल चिकित्सक संघ बाध्य  भई  आकस्मिक बाहेककासम्पूर्ण सेवा केसीको अनशन नतोडिन्जेल सम्म बन्द गर्न बाध्य भएकाे विज्ञप्तिमा उल्लेख छ ।