२ साउन २०७५ , बुधबार

विधेयक फिर्ता लिए सरकारलार्इ सहयाेग गर्छाैँ : नेता थापा

काठमाडाैं : प्रमुख प्रतिपक्षी दल कांग्रेसका नेता तथा पूर्व स्वास्थ्यमन्त्री गगन थापाले राष्ट्रिय चिकित्सा शिक्षा विधेयक फिर्ता लिन सरकारसँग माग गरेका छन्। बुधबार नेपाल प्रेस युनियनले काठमाडौंमा कांग्रेस नेता थापाले सरकारले संसदमा पेश गरेको राष्ट्रिय चिकित्सा शिक्षा विधेयक फिर्ता लिए वरिष्ठ चिकित्सक गोविन्द केसीले पनि आमरण अनशन तोड्ने बताए।

उनले प्रमुख प्रतिपक्षी दलको सहमतिमा मात्रै राष्ट्रिय चिकित्सा शिक्षा विधेयक अघि बढाउन पनि सरकारसँग आग्रह गरे। उनले सरकारले वरिष्ठ चिकित्सक केसीलाई वार्ताको नाटक गरेर जबरजस्ती रूपमा काठमाडौं ल्याउन चाहेको आरोप पनि लगाए।

विधेयक फिर्ता लिए वार्तामार्फत वरिष्ठ चिकित्सक केसीको माग सम्बोधन गर्न सरकारलाई सहयोग गर्ने प्रतिबद्धता थापाले जनाए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।