३२ असार २०७५ , सोमवार

डा. केसीसँग वार्ता गर्न समिति गठन

काठमाडौं : चिकित्सा शिक्षामा सुधारको माग राख्दै जुम्लामा अनशनरत डा.गोविन्द केसीसँग वार्ता गर्न सरकारले समिति गठन गरेको छ।

सिंहदरबारमा सोमबार दिउँसो बसेको बैठकले केसीसँग वार्ता गर्न शिक्षा सचिव खगराज बरालको नेतृत्वमा वार्ता समिति गठन गरेको हो। समितिमा गृहमन्त्रालयका सचिव प्रेमकुमार राई र स्वास्थ्य मन्त्रालयका एक सहसचिव रहने जानकारी सरकारका प्रवक्ता एवं सञ्चार तथा सूचना प्रविधिमन्त्री गोकुल बाँस्कोटाले दिए।

डा. केसी १७ दिनदेखि जुम्लामा अनशनरत छन्। उनको स्वास्थ्यस्थिति ज्यादै बिग्रिएको भन्दै चिकित्सकहरूले चिन्ता व्यक्त गरेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।