सानीभेरी कर्णाली प्रदेशकै पहिलो पूर्ण खोप सुनिश्चित स्थानीय तह
रुकुम पश्चिम : सानीभेरी गाउँपालिका कर्णाली प्रदेशकै पहिलो पूर्ण खोप सुनिश्चित स्थानीय तह घोषणा भएको छ। शनिबार जिल्ला समन्वय समिति रुकुम पश्चिमका प्रमुख राजकुमार शर्माले सानीभेरीलाई पूर्ण खोपयुक्त गाउँपालिका घोषणा गरेका हुन्।
दुई वर्षमुनिका बालबालिका सबैले नियमित रूपमा कुनै पनि खोप नछुटाएको पाइएपछि गाउँपालिकालार्इ पूर्ण खोप सुनिश्चित घोषणा गरिएको हो। कर्णाली प्रदेशकै पहिलो पूर्ण खोप सुनिश्चित गाउँपालिका घोषणा भएकोमा बधाइ दिँदै शर्माले यसलाई दिगो बनाइराख्नुपर्ने बताए।
नेपाललाई पूर्ण खोप सुनिश्चित देश बनाउने राष्ट्रिय लक्ष्यअनुसार सानीभेरीलाई पूर्ण खोप गाउँपालिका घोषणा गरिएको गाउँपालिका स्वास्थ्य संयोजक लोकेन्द्र डाँगीले जानकारी दिए। यहाँका ९५ प्रतिशत बालबालिकाले सबै खोप पूरा लिएको बताइएको छ।
जडीबुटी : नेपालको स्वास्थ्य र समृद्धिको हरित पुँजी
यसकारण खाने गरौं बहुगुणकारी कुरिलो
आत्मदाह प्रयास गरेका गणेश नेपालीको उपचारको क्रममा निधन
६ वटा स्वास्थ्य विज्ञान प्रतिष्ठानमा उपकुलपति नियुक्त
औषधिको सही प्रयोग किन आवश्यक छ ?