काठमाडौं, २८ जेठ –उपप्रधान तथा स्वास्थ्य तथा जनसंख्या मन्त्री उपेन्द्र यादवले ग्रामीण भेगमा औषधिको सहज वितरण र सरकारी अस्पतालको सेवालाई व्यवस्थित गर्नु आफ्नो पहिलो प्राथमिकता रहेको बताएका छन् ।

मन्त्री यादवले तत्काल देशका कुना काप्चासम्म औषधिको सहज वितरण गर्न र सरकारी अस्पतालको सेवालाई व्यवस्थित गनु ठुलो चुनौती रहेको भन्दै आफू यसको लागि लागिपर्ने बताए ।

स्वास्थ्य पत्रकार मन्च नेपाल संगको भेटघाटका क्रममा मन्त्री यादवले स्वास्थ्य क्षेत्र अत्यन्त संवेदनशिल रहेको र यसको समग्र सुधारका लागि सन्चारकर्मीको भुमिका महत्वपूर्ण भएको जिकीर गरे । उनले स्वास्थ्य सम्बन्धि कार्यक्रममा मन्चसंग सहकार्य गरी अघि बढ्न समेत तयार रहेको बताए ।