संचारमा समस्या गराउने अटिजम के हो ?
अटिजम बच्चाले जन्मजात लिएर आउने एक विशेष प्रकारको अपांगता हो । यसलाई मष्तिष्क विकासको विकार भनिन्छ । अटिजम प्राय जन्मेको तीन वर्ष भित्र प्रस्ट रुपमा देखिन्छ । विशेष गरी अटिजम भएका बालबालिकाले उमेर अनुसार सन्चार गर्न सक्दैनन । यसैगरी सामाजिक रुपमा घुलमिल हुन नसक्नु पनि अटिजमको अर्को समस्या हो । यस्ता बालबालिका एक्लै बस्न रुचाउँछन । एउटै काम दोहोराइरहनु, एउटै खेलौना संग खेलिरहनु, आँखामा आँखा जुधाउन नसक्नु, घाउ चोटप्र्ति वास्ता नगर्नु, ,असान्दर्भिक रुपमा हाँसिरहनुवा रोइरहनु यसका प्रमुख लक्षणहरु हुन । यस्ता समस्या भएका बालबालिकालाई विशेष खालको उपचार पद्धति र थेरापीको माध्यमबाट उनीहरुको जीवनलाई सहज मात्र बनाउन सकिन्छ । यो निर्मूल पार्न सकिने समस्या होइन ।
विश्व स्वास्थ्य संगठनका अनुसार कुल जनसंख्याको एक प्रतिशत बालबालिकामा अटिजमको समस्या भएको देखिन्छ । नेपालमा पनि झण्डै तीन लाख बालबालिकामा अटिजम भएको अनुमान गरिएकोछ । अटिजम भएका बालबालिकालाई साधारण सन्चार र सामाजिक कठिनाई देखि लिएर जीवन यापनमा सदा अरुको सहायतामा जीउनुपर्ने अवस्था हुन्छ ।
के कारणले मष्तिष्कका स्नायु कोषहरुमा विचलन हुन्छ । कस्ता किसिमका जैविक परिवर्तनले अटिजम हुने खतरा बढाउँछन अझै पहिचान हुन सकेको छैन । तर धेरै जसोले अटिजम हुनुको कारण वंशाणुगतलाई आधार मान्ने गरेका छन ।
उपचार पद्धति
अटिजम भएका व्यत्तिको लागि सबैभन्दा प्रभावकारी उपचार भनेको उनीहरुमा रहेको कमजोरी पक्षलाई अर्थात सन्चार र सामाजिक बुझाईलाई ध्यानमा राखि व्यवहारिक सिद्धान्तको आधारमा शिक्षा प्रदान गर्नु हो । अटिजम भएका व्यत्तिलाई समयमै पहिचान गरी विशेष सहयोग,प्रशिक्षण र थेरापी ्िशघ्र गर्न सकेमा उनीहरुले अर्थपूर्ण र उपयोगी जीवन जीउन सक्छन । यसको लागि विशेष औषधि नभए पनि विशेष खालको थेरापी बाट केही सहज भने बनाउन सकिन्छ । हाल अटिजम भएका बालाबालिका लागि केही संस्थाहरु पनि खुलेका छन । ती मध्ये सक्रिय रुपमा लागिरहेका छन अटिजम केयर नेपाल सोसाइटी र विशेष स्कुल तथा पुनस्र्थापना केन्द्र अर्थात एसएसडीआरसी । यी संस्थाहरुमा बालबालिका लाई विशेष खालको शिक्षा र तालिम दिइन्छ । यी संस्थाहरुले अटिजम भएका बालबिालिकाको लागि अकुपेशनल थेरापी,संचार थेरापी,सामाजिक थेरापी,लगायतका विशेष खालका तालिम र थेरापी प्रदान गरिरहेका छन । यसैगरी अटिजम भएका बालबालिकाका अभिभावकलाई उनीहरुलाई कसरी सम्हाल्ने भन्ने खालका विशेष तालिम पनि दिंदै आएका छन ।
समाधान
नेपालको लागि अटिजम अझै पनि नौलो विषयवस्तु हो । धेरैलाई अटिजमका वारेमा जानकारी नै छैन । जतिलाई जानकारी छ उनीहरुले पनि अटिजम बौद्धिक अपांगता हो भनेर बुझ्ने गरेका छन । घर परिवार र समाजले जबसम्म अटिजम एक विशेष खालको समस्या हो भनेर बुझ्न सक्दैनन तबसम्म यसको पहिचानमा र उपचारमा ढिलाई भइ नै रहन्छ । बच्चा जन्मेपछि उसको क्रमिक रुपमा विकास हुन जरुरी हुन्छ । यदि बच्चाको विकासमा केही अवरोध देखिए जस्तो लाग्छ भने तुरुन्त चिक्त्सिकको जान जरुरी हुन्छ । बच्चाले तीन वर्ष हँुदा सम्म बोल्न सकेन वा आफनो कुरा व्यक्त गर्न सकेन , बोलाउँदा कुनै प्रतिक्रिया दिएन भने अटिजम होकी शंका गर्न जरुरी हुन्छ । यसरी शंका गरी चिकित्सककोमा लगेमा उसको रोग समयमै पहिचान हुन्छ । अटिजममा जति चाँडो उपचार र थेरापी गरियो त्यति राम्रो परिणाम आउन सक्छ । त्यसैले हामी सबैले अटिजमका वारेमा बेलैमा बुझ्न जरुरी छ ।।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा