हेल्थ टिभी अनलाइन \काठमाडौं : बुधबार कोरोना पोजेटिभ भएका व्यक्ति चैत ६ गते कतारबाट आएको बताइएको छ । स्वास्थ्य तथा जनसंख्या मन्त्री भानुभक्त ढकालले मन्त्रालयले गरेको नियमित प्रेस ब्रिफिङमा उक्त कुरा बताएका हुन्।

उनले आज संक्रमित पुष्टि भएका व्यत्ति ३२ वर्षका पुरुष रहेको र उनी धादिङ निवासी रहेको पनि जानकारी दिए । ती व्यक्ति कतारबाट आएर काठमाडौंको होटलमा बसेको भन्दै मंगलबार केही असहज भएपछि जाँचका लागि आफै टेकु अस्पताल आएको पनि मन्त्री ढकालले जानकारी दिए ।

ती व्यक्तिमा कोरोना पोजेटिभ देखिएसँगै मन्त्रालयले उनको सम्पर्कमा आउने व्यक्तिकोबारेमा सोधखोज गर्ने र क्वारेन्टाइनमा राख्ने प्रक्रिया अघि बढाएको पनि उनले जानकारी दिए ।

बेलायतका राजकुमार चार्ल्सलाई कोरोना संक्रमण भएको छ। अन्तर्राष्ट्रिय सञ्चारमाध्यमका अनुसार स्वाब परीक्षणबाट राजकुमार चार्ल्सलाई कोरोना पोजेटिभ देखिएको हो।

क्लारेन्स हाउसले पनि ७१ वर्षीय राजकुमारलाई कोरोना भाइरस संक्रमण भएको जनाएको छ। उनकी पत्नी ७२ वर्षीया डचिस क्यामिल्लालाई पनि परीक्षण गरिएको छ। तर उनमा भने भाइरस भएको देखिएन।

अहिले चार्ल्सको उपचार भइरहेको जानकारी क्लारेन्स हाउसले विज्ञप्ति निकालेर दिएको छ। चार्ल्स र क्यामिल्ला दुवै जना अहिले स्कटल्यान्डस्थित ब्यालमरलमा अरूबाट अलग्गिएर क्वारेन्टाइनमा रहेको क्लारेन्स हाउसले बताएको छ।