हेल्थ टिभी अनलाइन \काठमाडौं:  बाँकेको नरैनापुरको क्वारेन्टाइनमा बसेका एक युवकको मृत्यु भएको छ ।

खजुरा गाउँपालिकाकी स्वास्थ्य शाखा उप संयोजक लक्ष्मी केसी वलीका अनुसार नरैनापुरको क्वारेन्टाइनमा बसेका २५ वर्षीय एक जना पुरुषको मृत्यु भएको हो । उनले भनिन्,’क्वारेन्टाइनमा एक जना भारतबाट आएका व्यक्तिको मृत्यु भएको हो तर कोरोनाका कारणले होकी अन्य केही कारणले हो सो एकिन भएको छैन्।’

उनका अनुसार मृत्यु भएका युवकको कोरोना परीक्षणका लागि स्वाब संकलन गरेर भेरी अस्पतालमा पठाइएको छ । सो रिपोर्ट आएपछि मात्र उनको मृत्युको कारण पत्ता लाग्नेछ

युवक वैशाख ३० गते भारतको मुम्बईबाट आएर उक्त क्वारेन्टाइनमा बसेका थिए । उनको स्वास्थ्य अवस्था एक्कासी बिग्रेको र एम्बुलेन्स बोलाउँदै गर्दा त्यस अगावै मृत्यु भएको बताइएको छ ।

केही दिन अघि मात्र नरैनापुरका ८ जनामा कोरोना संक्रमण पुष्टि भएको थियो ।

हेल्थ टिभी अनलाइन\ काठमाडौं : नेपालमा थप १० जनामा कोरोना संक्रमण देखिएको छ । आइतबार बिहान स्वास्थ्य तथा जनसंख्या मन्त्रायलयले विज्ञप्ति जारी गर्दै रौतहटका १० जनामा कोरोना पोजेटिभ देखिएको जनाएको हो । योसँगै नेपालमा संक्रमितको संख्या २ सय ९१ पुगेको छ ।

स्वास्थ्य मन्त्रालयका अनुसार टेकुस्थित राष्ट्रिय जनस्वास्थ्य प्रयोगशालामा गरिएको परीक्षणमा रौतहट राजपुर नगरपालिका फरहदा–९ निवासी १८, ३२, ३६, ३९, ३९, ४२, ४८ वर्षीय पुरुषहरुमा कोरोना संक्रमण पुष्टि भएको छ । यसैगरी रौतहटकै इशनाथ नगरपालिका ३ र ५ वडाका २८, ३० र ३३ वर्षीय पुरुषमा पनि कोरोना पुष्टि भएको हो ।

योसँगै नेपालमा कोरोना संक्रमितको संख्या २९१ पुगको मन्त्रालयले जनाएको छ । हालसम्म उपचापछि निको भएर घर फर्किनको संख्या ३६ रहेको छ भने कोरोनाका कारण १ जनाको ज्यान गएको छ ।