हेल्थ टिभी अनलाइन \काठमाडौं : भारतमा कोरोना संक्रमितको संख्या तीब्र रुपमा बढिरहेको छ । गत १४ घण्टामा त्यहाँ नयाँ रेकर्ड बनाउँदै ३१ हजार संक्रमित थपिएका छन्। भारतीय स्वास्थ्य मन्त्रालयका अनुसार त्यहाँ गत २४ घण्टामा ३२ हजार ६९५ जना नयाँ संक्रमित थपिएका छन्। जबकी यही २४ घण्टामा संक्रमितमध्ये ६०६ जनाको मृत्यु भएको छ ।

भारतमा हालसम्म ९ लाख ६८ हजार ८७६ जनाका कोरोना संक्रमण पुष्टि भएको छ । यसैगरी कोरोनाबाट मृत्यु हुनेको संख्या २४ हजार ९१५ पुगेको छ । भारतको महाराष्ट्र बढी प्रभावित बनेको छ । महाराष्ट्रमा मात्रै २ लाख ७५ हजार भन्दा बढी संक्रमित फेला परेका छन्।

हेल्थ टिभी अनलाइन \काठमाडौं : गण्डकी प्रदेशमा थप तीन जनामा कोरोना संक्रमण पुष्टि भएको छ ।

गण्डकी प्रदेश स्वास्थ्य निर्देशनालयले विज्ञप्ति जारी गर्दै आज थप तीन जनामा कोरोना संक्रमण भएको जनाएको हो । योसँगै गण्डकी प्रदेशमा कोरोना संक्रमितको संख्या १ हजार २ सय ३१ पुगेको छ ।

निर्देशनालायका अनुसार बिहिबार क्षयरोग उपचार केन्द्र पोखरामा गरिएको परीक्षणमा बाग्लुङका २ र स्याङ्जाका १ जनामा कोरोना संक्रमण पुष्टि भएको हो । संक्रमितलाई सम्बन्धित जिल्लाको आइसोलेसन सेन्टरमा लैजाने तयारी भैरहेको बताइएको छ ।