१८ माघ २०७५ , शुक्रबार

पूर्वराष्ट्रपतिले डा.केसीलाई गरे अनशन तोड्न आग्रह

काठमाडौं: पूर्वराष्ट्रपति डा. रामवरण यादवले डा. गोविन्द केसीलाई अनसन तोड्न आग्रह गरेका छन्।

डा केसीको स्वास्थ्य अवस्था बुझ्न त्रिवि शिक्षण अस्पताल पुगेका पूर्वराष्ट्रपति यादवले डा केसीलाई स्वास्थ्य कमजोर भएको भन्दै अनसन तोड्न आग्रह गरेका हुन्।

उनले डा केसीको जीवन रक्षाका लागि सरकारले अनशनको २४ दिन पुगिसक्दा पनि वार्ताको कुनै पहल नगरेकोमा दुःख व्यक्त गर्दै तत्काल वार्ताकाे माध्यमबाट केसीको जीवनरक्षा गर्न सरकारलाई आग्रह समेत गरे। डा केसीले १६ औं चरणको अनशन थालेको आज २४ दिन भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।