१२ मंसिर २०७५ , बुधबार

विद्यार्थी ढल्न थालेपछि विद्यालय बन्द

हेटौँडा : मकवानपुर गढीगाउँपालिका–७, सुकौरस्थित जनता माविमा नियमित विद्यार्थी ढल्न थालेपछि तीन दिनका लागि विद्यालय बन्द गरिएको छ।

विद्यालयका प्रधानाध्यापक होमबहादुर नेपालीका अनुसार विशेष गरी ५ र ८ कक्षाका विद्यार्थी नियमित रूपमा ढल्ने, अनौठो क्रियाकपलाप गर्ने, सम्झाउन खोज्दा टोक्ने जस्ता क्रियाकलाप गर्न थालेसँगै बुधबारदेखि तीनदिनका लागि विद्यालय बन्द गरिएको हो।

मंगलबार विद्यालय व्यवस्थापन समिति अध्यक्ष चन्द्रबहादुर योञ्जनको अध्यक्षतामा बसेको बैठकमा जनप्रतिनिधि तथा मनोवैज्ञानिक परामर्शदातासँगको सल्लाहअनुसार विद्यालय बन्द गरिएको हो।

योञ्जनका अनुसार १० दिनदेखि दैनिक केही संख्यामा विद्यार्थी ढले पनि मंगलबार एकैपटक २० भन्दा बढी विद्यार्थी ढलेका थिए। विद्यालयमा १४३ विद्यार्थी अध्ययनरत छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।