हेल्थ टिभी अनलाइन : नेपाल चिकित्सक संघ (एनएमए) को नयाँ नेतृत्वका लागि भएको निर्वाचनमा डा बद्री रिजाल अध्यक्ष पदमा निर्वाचित भएका छन् । डा रिजालले आफ्ना निकटतम प्रतिस्पर्धी डा मंगल रावललाई पराजित गर्दै जित हासिल गरेका हुन् । यसैगरी बरिष्ठ उपाध्यक्षमा डा सञ्जीव तिवारी विजयी भएका छन् भने महासचिवमा डा विश्वराज दवाडी विजयी भएका छन् ।

उपाध्यक्ष एवं प्रदेश संयोजक तर्फ कोशीबाट डा रोशन खड्का, मधेशबाट डा अमितरञ्जन मिश्र, बागमतीबाट डा सुवाश भट्टराई विजयी भएका छन् । यस्तै गण्डकीबाट डा यज्ञराज सिग्देल, लुम्बिनीबाट डा नन्दाकुमारी गुरुङ, कर्णालीबाट डा रविन खड्का र सुदूरपश्चिमबाट डा प्रमोद जोशी विजयी भएका छन् ।

कोषाध्यक्ष तर्फ डा संयुक्त आचार्य, सह सचिव तर्फ डा हुलास अग्रवाल र सह कोषाध्यक्षमा डा तेजसुसिंह मल्ल विजयी भएका छन् ।

सदस्यहरुमा डा अमित झा, डा राकेश शाह, डा पल्पसा श्रेष्ठ, डा विना श्रेष्ठ, डा सुस्मित काफ्ले र डा शेषराज आचार्य विजयी भएका छन् ।नयाँ कार्यसमितिको कार्यकाल ३ वर्षको हुनेछ ।