हेल्थ टिभी अनलाइन : नेपाल चिकित्सक संघको नयाँ केन्द्रीय कार्यसमितिका लागि तीन प्यानलले उम्मेदवारी दिएका छन्। आगामी माघ महिनामा हुने निर्वाचनका लागि डा बद्री रिजाल, डा मंगल रावल र डा नारायण भुषाल नेतृत्वमा उम्मेदवारी दर्ता गरिएको हो।

डा रिजालको तर्फबाट वरिष्ठ उपाध्यक्षमा डा सञ्जीव तिवारी, महासचिवमा डा विश्वराज दुवाडी रहेका छन् । यसैगरी कोषाध्यक्षमा डा संयुक्त आचार्य, सहसचिवमा डा हुलास अग्रवाल र सह–कोषाध्यक्षमा डा तेजसु सिंह मल्ल रहेका छन्।

यसैगरी उता डा रावल नेतृत्वको टिमका उम्मेदवारहरूमा वरिष्ठ उपाध्यक्षमा डा किर्तीपाल सुवेदी र महासचिवमा डा कालुसिंह खत्री रहेका छन्। कोषाध्यक्षमा डा चाँदनी जयसवाल, सहसचिवमा डा रामजीवन प्रसाद र सह–कोषाध्यक्षमा डा सुवास गुरुङ रहेका छन्।

यसैगरी डा नारायण भुषालको टिममा वरिष्ठ उपाध्यक्षमा डा अजयकुमार मिश्र, महासचिवमा डा अमित भुषाल र सहसचिवमा डा सन्तोष अधिकारी रहेका छन् ।