हेल्थ टिभी अनलाइन :  सामाजिक सञ्जाल बन्द विरुद्धको प्रदर्शनमा एक जना प्रदर्शनकारीको  प्रहरीको गोली लागेर मृत्यु भएको छ ।

घाइते भएका प्रदर्शनकारीको नयाँबानेश्वरस्थित सिभिल अस्पतालमा उपचारको क्रममा मृत्यु भएको हो । सिभिल अस्पतालका कार्यकारी निर्देशक मोहन रेग्मीका अनुसार घाइतेमध्येका एक जनाको मृत्यु भएको छ । यसैगरी अन्य घाइतेहरुले अस्पताल भरिएको पनि उनले जानकारी दिए ।

प्रदर्शनका क्रममा प्रदर्शनकारी संसद भवनमा छिरेपछि प्रहरीले अश्रु ग्याँस तथा  गोली प्रहार गरेको थियो । यसैगरी भागदौडका क्रममा धेरै जना घाइते भएका छन् । घाइतेहरुको सिभिल अस्पताल तथा ट्रमा सेन्टरमा उपचार भइरहेको छ ।