१३ जेष्ठ २०८२ , मङ्लबार

स्वास्थ्य मन्त्रालयका सचिव हरिप्रसाद मैनालीको सरुवा

हेल्थ टिभी अनलाइन : स्वास्थ्य तथा जनसंख्या मन्त्रालयका सचिव हरिप्रसाद मैनालीको सरुवा भएको छ । सोमबार बसेको मन्त्रिपरिषद् बैठकले मैनालीसहित चार सचिवहरूको सरुवा गरेको छ ।

स्वास्थ्यका प्रशासन तर्फका सचिव मैनालीलाई स्वास्थ्य मन्त्रालयबाट नागरिक उड्डयन मन्त्रालयमा सरुवा गरिएको छ । उनको ठाउँमा बागमती प्रदेशमा प्रमुख सचिवको रुपमा कार्यरत महादेव पन्थलाई ल्याइएको छ ।

बैठकले शिक्षा मन्त्रालयका सचिव डा दिपक काफ्लेलाई उपराष्ट्रपति कार्यालयमा सरुवा गरेको छ । यसेगरी उपराष्ट्रपतिको कार्यालयका सचिव लोकनाथ पौड्‍याललाई शिक्षा मन्त्रालयमा सरुवा गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।