१६ बैशाख २०८२ , मङ्लबार

नियमित खोप लगाउन छुटेका बालबालिकालाई वैशाख ३१ गते लगाइँदै

हेल्थ टिभी अनलाइन : सरकारले आगामी ३१ वैशाखका दिन देशभरका सबै स्वास्थ्य संस्थाबाट यस अघि १५ महिनाको उमेरसम्म दिइने नियमित खोप लगाउन छुटेका ५ वर्ष मुनिका सबै बालबालिकालाई खोप दिने भएको छ ।

कोही पनि बालबालिका खोप लगाउनबाट नछुटुन भनेर यस्तो व्यवस्था गर्न लागिएको स्वास्थ्य सेवा विभाग परिवार कल्याण महाशाखा अन्तर्गतको बाल तथा खोप शाखा प्रमुख डा अभियान गौतमले जानकारी दिए । बालबालिकाको मृत्युदर घटाउन खोप महत्वपूर्ण भएकाले १५ महिना सम्म दिइने नियमित खोप समयमै लगाउन र र केही कारणवस छुटेको छ भने ५ वर्ष भित्र सकेसम्म चाँडो छुटेको खोप लगाउन स्वास्थ्य मन्त्रालयले सबैलाई आग्रह गरेको छ ।

सरकारले वैशाख महिनालाई खोप विशेष महिनाका रुपमा मनाउँदै आएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।