२७ माघ २०८१ , आइतवार

डाक्टरमाथि आक्रमण गर्नेलाई कारबाही गर्न चिकित्सक संघको माग

हेल्थ टिभी अनलाइन : वीर अस्पतालमा डाक्टरहरूमाथि आक्रमणको घटनामा संलग्न दोषीहरूलाई कडा कारबाही गर्न नेपाल चिकित्सक संघले सरकार समक्ष माग गरेको छ ।

संघका अनुसार वीर अस्पतालको शल्यक्रिया कक्षमा सेवामा खटिएका चिकित्सक डा घनश्याम थापा, डा शरद पोखरेल लगायत अन्य स्वास्थ्यकर्मीहरूमाथि आक्रमण भएको थियो ।

घटनाप्रति संघको गम्भीर ध्यानाकर्षण भएको जनाउँदै महासचिव डा सञ्जीव तिवारीले अस्पताल जस्तो संवेदनशील क्षेत्रमा भएको यस्तो आपराधिक कार्यको नेपाल चिकित्सक संघ घोर भर्त्सना गरेका छन् । अस्पताल जस्तो संवेदनशिल संस्थामा हुने यस प्रकारका आक्रमणले स्वास्थ्यकर्मीको मनोबल कमजोर हुने र त्यसको असर स्वास्थ्य सेवामा देखिने पनि उनले जिकीर गरेका छन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।