हेल्थ टिभी अनलाइन : स्वास्थ्य बीमामार्फत स्वास्थ्य सेवामा आम नागरिकको पहुँच स्थापित गर्ने उद्देश्यसाथ गठित सुधार सुझाव कार्यदलले आफनो प्रतिवेदन स्वास्थ्य तथा जनसंख्यामन्त्री प्रदीप पौडेललाई बुझाएको छ ।

शुक्रबार प्रतिवेदन बुझ्दै मन्त्री पौडेलले यो मन्त्रालयको महत्वपूर्ण सम्पत्ति बनेको र यस प्रतिवेदनले दिएको सुझाव कार्यान्वयन गर्नमा आफू प्रतिवद्ध रहेको बताए । उनले यसका लागि प्रतिवेदनले दिएका सुझाव कार्यान्यनका क्रममा कानुनी र नीतिगत सुधार गर्नुपरेमा त्यो पनि गर्दै अगाडि बढ्ने जानकारी दिए।

उनले प्रतिवेदनको सुझावलाई प्राथमिकताका आधारमा कार्ययोजना अनुसार कार्यान्वयनमा लैजाने पनि जानकारी दिए। सुझाव कार्यदलले बीमा कार्यक्रमको विकास र विस्तारका लागि विभिन्न १३ वटा विषयमा केन्द्रित रहेर कार्ययोजनासहितका सुझावहरु दिएको छ। स्वास्थ्य बीमामा देखिएका समस्या समाधानमा सुझाव दिन डाक्टर शम्भुप्रसाद आचार्यको नेतृत्वमा गत असोजमा सुझाव समिति गठन भएको थियो।