हेल्थ टिभी अनलाइन : ललितपुरको हरिसिद्धिमा रहेको नेपाल क्यान्सर अस्पताल तथा रिसर्च सेन्टमा एक जना बिरामीको श्वासनलीको जटिल शल्यक्रिया सफल भएको छ । उक्त शल्यक्रिया दुरविनको मद्दतले गरिएको हो ।

क्लिनिकल इन्टरभेन्सनल पल्मोनोलोजिस्ट डा विश्वास शर्माको टिमले अस्पतालमा उपचार गर्न आएका एक विरामीको उक्त जटिल मानिने शल्यक्रिया गरेका हुन् । डा शर्माका अनुसार ती बिरामीको श्वासको मुख्य नलीमा भएको ४ ५ सेन्टीमिटर अर्थात् ८० प्रतिशत भाग ओगटेको क्यान्सरको दुरविनबाट सफलतापूर्वक शल्यक्रिया गरिएको हो । यो सफल शल्यक्रियासँगै यस्तो जटिल शल्यक्रिया नेपालमै सम्भव रहेको प्रमाणित भएको र नेपाल क्यान्सर अस्पतालले नयाँ नयाँ प्रविधीमार्फत बिरामीको सफल उपचार गरिरहेको समेत उनले जिकीर गरे यस्तो प्रकारको शल्यक्रियामा बिरामीमा ठूलो चिरफार नगरी दुरबिनको माध्यमबाट सानो प्वाल बनाएर शल्यक्रिया गर्ने गरिन्छ ।

बिरामीका आफन्त उपचारका लागि भारत जान खोजेको भए बिरामीले नेपालमै उपचार गर्ने र यहींंका डाक्टरबाट उपचार गराउन चाहेपछि उनको शल्यक्रिया भएको थियो । अहिले बिरामी र बिरामीका आफन्तले आफनै देशमा कम खर्चमा उपचार गराउन पाएकोमा हर्षित हुँदै अस्पताल तथा डाक्टरको टिमलाई धन्यवाद दिइरहेका छन्।