२२ अशोज २०८१ , मङ्लबार

नेपाल क्यान्सर अस्पतालमा अक्टोबर महिनाभर म्यामोग्राममा ५० प्रतिशत छुट

हेल्थ टिभी अनलाइन : ललितपुरको हरिसिद्धिमा रहेको नेपाल क्यान्सर अस्पतालमा स्तन क्यान्सर सचेतना महिनाको अवसर पारेर स्तन क्यान्सर स्क्रिनिङमा भारी छुट प्रदान गरेको छ ।

यो महिनाभर अस्पतालमा म्यामोग्राम गर्दा ५० प्रतिशत, ओपीडी तथा डाक्टर कन्सलटेसनमा ५० प्रतिशत तथा स्तन अल्ट्रासाउन्डमा १५ प्रतिशत छुट दिने जनाइएको छ । अक्टोबर महिनालाई विश्वभर स्तन क्यान्सर सचेतना महिनाका रुपमा लिने गरिन्छ । सुरुमै पत्ता लागेर उपचार गरेमा स्तन क्यान्सर निको हुन्छ ।

त्यसैले ३० वर्ष पुगेकाले कम्तीमा वर्षमा एकपटक स्तन क्यान्सर स्क्रिनिङ गर्न अस्पतालले आग्रह गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।