२५ भदौ २०८१ , मङ्लबार

अबदेखि गंगालाल अस्पतालमा राष्ट्रिय खेलाडीहरुको स्वास्थ्य परीक्षण नि:शुल्क हुने

हेल्थ टिभी अनलाइन : अबदेखि शहीद गंगालाल राष्ट्रिय ह्दयरोग उपचार केन्द्रमा राष्ट्रिय खेलाडीहरुको स्वास्थ्य परीक्षण निशल्क हुने भएको छ ।

देशको प्रतिनिधित्व गरेर अन्तर्राष्ट्रिय खेलमा योगदान गर्ने सबै खेलाडीको हरेक वर्ष मुटुसहितको निःशुल्क स्वास्थ्य परीक्षण गर्ने सम्झौता भएको हो ।

मंगलबार आयोजित कार्यक्रममा स्वास्थ्य तथा जनसंख्यामन्त्री प्रदीप पौडेल र युवा तथा खेलकुदमन्त्री तेजुलाल चौधरीको उपस्थितिमा राष्ट्रिय खेलकुद परिषद् र सहिद गंगालाल राष्ट्रिय हृदयरोग उपचार केन्द्रबीच उक्त सम्झौता भएको हो ।

सम्झौता अनुसार अबदेखि सबै राष्ट्रिय खेलाडीको स्वास्थ्य परीक्षण निशुल्क हुनेछ । कार्यक्रममा पारा ओलम्पिकमा कास्य पदक विजेता पलेशा गोबर्धनको स्वास्थ्य परीक्षण गरेर निशुल्क परीक्षणको सुरुवात गरिएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।