बाँकेको नरैनापुरमा झाडापखालाबाट एकै गाउँका चार जनाको मृत्यु
हेल्थ टिभी अनलाइन : बाँकेको नरैनापुरमा झाडापखाला लागेका एकै गाउँका ४ जनाको मृत्यु भएको छ ।
नरैनापुर गाउँपालिकाको गेगली गाउँमा फैलिएको झाडापखालाबाट १० जना बिरामी परेकामध्ये ४ जनाको मृत्यु भएको हो । सात जनाको भने उपचार भइरहेको बताइएको छ ।
नरैनापुर–३ का वडाध्यक्ष अजय मिश्रले झाडापखालाबाट गेगलीका २५ वर्षीय रुसा पासी र उनकी डेढ वर्षकी छोरी नन्दनी पासी, ६० वर्षीया शान्ति पासी र १० वर्षीय युसुफ अलीको मृत्यु भएको जानकारी दिए। भारतीय सीमासँग जोडिएको गाउँ गेगलीमा झाडापखाला फैलिएको नरैनापुर गाउँपालिकाका स्वास्थ्य शाखा प्रमुख नगेन्द्रकुमार साहले जानकारी दिए। उनले आफूसहित अन्य स्वास्थ्यकर्मीको टोलीले गाउँमै पुगेर बिरामीको उपचार गरिरहेको बताए ।
झाडापखाला नियन्त्रण गर्न स्वास्थ्य कार्यालय बाँकेसँग समन्वय भएको बताइएको छ ।
रासस
किष्ट शिक्षण अस्पतालको सेवा अब घरमै, ‘किष्ट एट होम’ सञ्चालनमा आउँदै
अस्पतालबाहिर सुत्केरी भएको घटनाबारे स्वास्थ्य मन्त्री भन्छिन् : कमजोरी देखिए कारबाही गर्छौ
बाढी प्रभावित तीन सय परिवारका लागि युएसभी फार्माको डेढ करोड सहयोग
फिजियोथेरापी संघद्वारा रक्तदान तथा स्ट्रोक र मुटुसम्बन्धी जनचेतनामूलक कार्यक्रम
आफ्नो घर आश्रममा १५० पुरुषको प्रोस्टेट स्वास्थ्य परीक्षण