१० जेष्ठ २०८१ , बिहिबार

चिकित्सक लाइसेन्स परीक्षाको नतिजा प्रकाशित, ५५ प्रतिशत विद्यार्थी उत्तीर्ण

हेल्थ टिभी अनलाइन : नेपाल मेडिकल काउन्सिलको चिकित्सक नाम दर्ता लाइसेन्स परीक्षाको नतिजा सार्वजनिक भएको छ।

गत सोमबारदेखि सञ्चालित परीक्षामा ५४ दशमलब ६२ प्रतिशत विद्यार्थी उत्तीर्ण भएको काउन्सिलले जनाएको छ।

काउन्सिलका अनुसार एमबीबीएसतर्फ १ हजार ३५६ जना विद्यार्थी सहभागी भएका थिए। सहभागीमध्ये ७ सय ५१ जना ५५ दशमलब ३८ प्रतिशत परीक्षार्थी उत्तीर्ण भएका छन्। दुई जनाको नतिजा भने विथेल्डमा राखिएको छ।

बीडीएसतर्फ २९९ जना विद्यार्थी परीक्षामा सहभागी भएका थिए । ती मध्ये १५३ जना (५१ दशमलब १७ प्रतिशत) उत्तीर्ण भएका छन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।