३१ बैशाख २०८१ , सोमवार

स्वास्थ्यमन्त्री उपेन्द्र यादवले दिए राजीनामा

हेल्थ टिभी अनलाइन : उपप्रधान तथा स्वास्थ्य तथा जनसंख्यामन्त्री उपेन्द्र यादवले पदबाट राजीनामा दिएका छन् ।

सोमबार विहान प्रधानमन्त्री पुष्पकमल दाहाललाई उनले राजीनामा बुझाएका हुन्। अहिलेको बदलिएको परिस्थिती अनुसार आफूले सरकार छाड्न उचित लागेर पदबाट राजिनामा दिएको उनले जनाएका छन्। यादवसँगै उनको पार्टीबाट सरकारमा रहेका वन तथा वातावरण राज्यमन्त्री रहेका दीपक कार्कीले पनि राजीनामा दिएका छन्।

जनता समाजवादी पार्टी नेपालका अध्यक्ष समेत रहेका यादव गत २७ फागुनमा उपप्रधान तथा स्वास्थ्य तथा जनसंख्या मन्त्रीको रुपमा नियुक्त भएका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।