हेल्थ टिभी अनलाइन : नेपाल क्यान्सर अस्पताल तथा रिसर्च सेन्टरमा अन्तराष्ट्रिय नर्सिङ दिवसमा विशेष कार्यक्रमको आयोजना गरिएको छ ।

दिनरात बिरामीको सेवामा तल्लीन हुने नर्सहरुको सम्मानमा उक्त कार्यक्रम गरिएको हो । अस्पतालको नर्सिङ विभागको संयोजनमा भएको कार्यक्रममा सबै नर्सहरुको कामको प्रशसा गर्दै केट काटेर एक आपसमा खुशी साटासाट गरिएको थियो ।

कार्यक्रममा बोल्दै अस्पतालका अध्यक्ष डा सुदिप श्रेष्ठले सधैं बिरामीलाई प्राथमिकतामा राखेर सेवामा लागेका नर्सहरुको सम्मानमा यो कार्यक्रम गरिएको र उनीहरुलाई अझ बढी हौसला आवश्यक रहेको जिकीर गरे । उनले बिरामीलाई निको बनाउन नर्सहरुको भूमिका महत्वपूर्ण हुने समेत जनाए ।

यसैगरी अस्पतालका मेडिकल निर्देशक डा बिजेशराज घिमिरेले नर्सहरु अवसर र अध्ययनको निम्ति विदेशिने परम्पराको अन्त्य गर्न स्वदेशमै सेवा सुविधा र सम्मान बढाउन पर्ने बताए ।