१७ बैशाख २०८१ , सोमवार

जुनसुकै पालिकाको भए पनि अशक्त र गरिब नागरिकलाई काठमाडौं महानगरले नि:शुल्क उपचार दिने

हेल्थ टिभी अनलाइन : नेपालभरीबाट जुनसुकै पालिकाको भए पनि अशक्त तथा गरिब नागरिकलाई काठमाडौं महानगरले नि:शुल्क उपचार सेवा दिने जनाएको छ ।

काठमाडौं महानगरले लक्षित वर्गका लागि निःशुल्क उपचारसम्बन्धी सूचना जारी गरेको हो । उक्त सूचनामा काठमाडौं महानगरले जुनसुकै पालिकाको भए पनि अशक्त र गरिब नागरिकको सिफारिसका आधारमा निःशुल्क उपचार गर्ने जनाइएको छ ।

बिरामीहरूले आफ्नो पालिकाबाट विपन्न, असहायको सिफारिस लिएर काठमाडौं महानगर आए उनीहरुले काठमाडौंमा नि:शुल्क सेवा पाउने छन् । सूचनामा भनिएको छ, ‘हामीसँग ५२ अस्पतालका ३७४ बेड आवद्ध छन् । त्यहाँ बिरामीको आवश्यकता अनुसार नि:शुल्क उपचार हुनेछ ।’ यदि कसैलाई यो सेवा लिन परेमा महानगरको टोल फ्रि नंबर ११८०मा सम्पर्क गर्न सक्ने पनि बताइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।