२६ माघ २०८० , शुक्रबार

काठमाडौं र ललितपुरमा पनि ‘अफ्रिकन स्वाइन फिभर’

हेल्थ टिभी अनलाइन : काठमाडौं र ललितपुर महानगरपालिकामा पनि ‘अफ्रिकन स्वाइन फिभर’पुष्टि भएको छ।

ललितपुर महानगरले बिहीबार एक सूचना जारी गर्दै ‘लमजुङ, कास्की, तनहुँ, ललितपुरको गोदावरी नगरपालिका र काठमाडौंको कीर्तिपुर नगरपालिकामा समेत बंगुर तथा सुंगुरमा लाग्ने महामारीजन्य रोग अफ्रिकन स्वाइन फिभर देखा परेको पुष्टि भएको जनाएको छ।

ललितपुर महानगरपालिका क्षेत्रभित्रका विभिन्न स्थानमा पालिएका बंगुर र सुंगुर पालक व्यवसायीले रोग फैलिन नदिन उच्च सतर्कता अपनाउन महानगरको पशु सेवा शाखाले आग्रह समेत गरेको छ ।

महानगरले रोग देखापरेको क्षेत्रबाट सुंगुर प्रजातीका पाठापाठी, संक्रमित मासु र दाना ओसारपसार नगर्न समेत भनेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।